Thursday, February 28, 2008

ТӨРСӨН ӨДРИЙН МЭНДЧИЛГЭЭ

Эл төрсөн өдрийг мэндчилгээг миний сайн нөхөр Хиргис Доржжүгдэрийн Мөнх-Очир бээр миний 28 насны төрсөн өдрөөр цахим шуудангаар явуулсан билээ. Андын минь хэлэмгий доломгой нь ширгэшгүй бөгөөд тоглоом шоглоом нь дундаршгүй билээ. Хурц тод шүлэглэлийг нь дахин дахин уншивч инээд хүрэхийн зэрэгцээ бишрэх сэтгэл төрдөг амой. Энэ шүлэглэлийг уншсаны дараа танд ч мөн тийм сэтгэгдэл төрөх нь лавтай биз ээ. Have a Fun!

Энэхүү мэндчилгээнд нэнэ баяртайгаар нэгдэнд орохын ялдамд эрхэм Марь ноёнтон танаа хандан алдаа ташуу мэдээлэл цөөн буйг залруулья. Нэгдүгээрт, Сарлагтай ноёнтон бээр Таны болгоомж алдан илтгэсэн шиг нас сүүдэр 27-г зооглож байгаа бус, түүнээс нэжгээд жилээр илүү өтөл буурал болсныг анхааралдаа авна уу. Хоёрдугаарт, тэрбээр Uncle Otgonbayar-ын хоёрдугаар бус чухам ууган хөвгүүн болон хорвоод мэндэлсэн мэт санагдмой. Гуравдугаарт, эрхмийн соён гийгүүлэхүйн хийгээд засаглахуйн намтрын хуудаснаа нэгэнтээ өөрийнх нь ам алдснаар "намайг Их Хуралд байхад" хэмээсэн үгнээс эш татан дүгнэвээс, Монголын парламентад суудал эзэлж байсан болохыг олж илрүүлэн нэмж болох мэт. Эцэст нь дуртай дуучны хувьд сүүлийн жил гаруй хугацаанд олонхи Монголчуудын адилаар "А" (энэ хүн болвоос мөнөөх Са сайдын femalelogy судлалаар бүтээсэн эрдэм шинжилгээний нэгэн сэдэвт томоохон өгүүллийн сэдэв болсон "А" бус харин адил нэрт өөр хүмүүн бөгөөд эдүгээ НҮБ хавиар манаргаж яваа сурагтай байсан)-ийн улаан биш гэхэд ягаавтар фэн болж буй. Хэдий тийм боловч Сараагаас урваж хаялгүйгээр "араар нь тавьж буй" хэрэг мөн. Энэхүү авьяас нь түүнд нэлээн хэдэн хүүхэнтэй зэрэгцэн амраглах чадварыг бас бүрдүүлж өгдгийг хэлэхэд хилсдэхгүй биз ээ (JOKE):

Ийнхүү Са сайд Танаа:

Ирэх жилдээ ба түүнээс чинагш

Урдуураа улаан хөлтнийг гаргалгүй бабникдаж

Уухаараа ухаан санаагаа алдтал боевикдож

Хууль бус аливаа үйлдэл чинь өөдрөг цэцэглэж

Хуучин шинэ олон амрагууд чинь хүрээлэн бүчиж

Авгай хүүхний тэнгэр ивээлээ өгч

Авилга хахуулийн олз үүдээ нээж

Архи дарс далай мэт уудам бялхаж

Ажил хөдөлмөр ГУЛАГ мэт шууран гялалзаж

Докторын сэтрийг инээж суунгаа гуядан авч

ДОХ-ын шинжилгээнд орох бүхэндээ "негатив" гарч

Эрдэм судлалын JIHAD-ыг эцэж цуцалгүй явуулж

Эхнэр богтлох CRUSADE-ийг эргэж буцалтгүй өрнөөж

Улс гэрийн шамбалын дайнд уураг тархиа чилээж

Учир битүүлэг далд тайлалд үлдсэн нөхдөө мунхруулж

Хэтэвч дүүрэн цахим төгрөгийн карттай болж

Хэнхдэг дүүрэн уруулын будагны толботой явж

Машкаист сургааль түгэн дэлгэрч

Марксист намыг түргэн булшилж

Нанчидыг тойрон хүүрнэхэд сонин түүх өгүүлж

Нанхиадыг тогтоон барихад сурч мэдснээ зориулж

НАТО-той сээтэгнэхэд чухаг үүргийг гүйцэтгэж

Нацист хэлбэрийн суртлыг нам төрд нэвтрүүлж

Үйлс бүтээл нь Эрхард шиг бүтэмжтэй

Үүрэг зорилго нь Пиночет шиг ойлгомжтой

Зугаа цэнгэл нь Клинтон шиг ханамжтай

Зураг дүр нь Мао шиг хүртээмжтэй

Аймшигт хүч нь Сталин шиг найдвартай

Аюулт суртал нь Гитлэр шиг халдвартай

Эсгэх дүр нь Далай лам шиг нигүүлсэнгүй

Эргэлт удирдах нь Лэнин багш шиг эрсдэлгүй

Дайснаа дарамтлах нь хоёр Буш шиг шийдэмгий

Дайсандаа ялагдах нь Бин Ладен шиг шилрэмтгий

Найруулах хор нь Элбэгдорж шиг хөнөөлтэй

Найз хүүхнүүд нь Кеннеди шиг зүүгдээстэй

Зохиол үлгэр нь Энхбаяр шиг үнэмшилтэй

Зорьсон хэрэг нь Вашингтон шиг амжилттай

Зооглох сархадаар Брежнев шиг цадаастай

Зочлох аялалаар Хрущев шиг булаастай

Эрх мэдэл нь Фахд шиг хязгааргүй

Эрч хүч нь де Голь шиг мохошгүй

Бусармаг үйлдэл нь Кадар шиг чимээгүй өнгөрч

Буянт үйлс нь Дубчек шиг мартагдахгүй яригдаж

Аугаа Са сайд Танаа:

Айсуй жилдээ ба түүнээс чинагш

Аальгүй эмсийг тааллаар эдэлж

Архи дарсыг тааваар хүртэж

Гүрүүшиг тавилгүй пиво ууж

Гондоом тайлалгүй секс хийж

Машинаа танихгүй баян болж

Мафиа үүсгэхээр өнөр болж

Гучин жил гуйлгачилж дуусаад

Дөхин жил дөвчигнөж өнгөрөөгөөд

Тавин жил танхайрч

Жаран жил жаахан охид эргүүлж

Далан жил далдаганан савж

Наян жил найраа хийж

Ерэн жил ебалдаж

Зуун насыг н асалж

Зургаадай таягийг тоохгүй алхаж

Зураг патиараа сонинд тавиулж

Зурагт радиогоор залхтал гарч

Үхэж өгөхгүй зовоож

Үүр биднийгээ дарамтлаарай

MDK

7 comments:

Anonymous said...

uhtel ineelee. tursun udriin mendchilgeeni ug haij bgad olj unshiv. hehehehe

Anonymous said...

энэ Мөнх-Очир гэдэг хүн чинь харин нилээн сүрхий юм бишүү. Хаанаас нь ийм хурц хурц үгнүүд гардаг юм бол, таалагдлаа

Anonymous said...

CCCCCZXDEGFFRFBVCX GBFVC

Anonymous said...

CARLAGTAI OBGIIN OTGONBAYARIIN MASHBAT TANAA

ERHEM BICHGIIN HUN TANII
ENE BIEIIN AMGALANG AILTGAH
ERDEM NOMIIN AJIL TANI
EGNEGT GUN BAIH BOLTUGAI

ALSIIN AND CHINII
ANHNII BLOGT AILCHILJ
ABAALI GERGII
AMI UNDSIIG CHINI HARLAA

NEW DICTIONARY CHINI
HEEREE IH TAALAGDLAA
HEJGEED HEJGEEDEER
NEMELT TAILBARTAIGAAR
HEMEN DELGERUULEEREI

BLOG CHINI BAYALAG BAIH BOLTUGAI
BOR TARHI CHINI BODOL UHAANAAR UNDARTUGAI
BULT OLNIIG TUUGEEREI
BUSHUU TURGEN GEGEERUUL

HARLAG CALIFORNIA-AAS
HOLLYWOOD UULNAAS
HOLIIN TANIL CHAMD
HOSGUI IHIIG
HOVOR ERDENIIG HUSEN ERUUE

Anonymous said...

HIRGIS OVGIIN DORJJUGDERIIN MUNKH-OCHIR TANAA

TURSUN UDRIIN MENDIIG
TENHEE IHT IUGIIN HAMT
TEHNOLOGI ASHIGLAN
TERTEE DALAIN CHANADAD SUUGAA
TERSLUU MASHKAD ILGEEJEE TA

MARGASHGUI UNENIIG
MARTAGDAHGUI BOLTOL
MARZAN UGSIIN HORJOON DOR
MORFIN TARIANII UILCHILGEEN DOTOR
MATARLAN BICHJEE TA


MUIS HAVIIN NEG UDRIIG
MUNDAG UGSEER HACHIRLAN
MUUHAN MEDEH TANILUUDIIN
MUUR HULGANII YAVDALIIG
MAGAD TA MUTARLAVAL
MASH IHEER SONIRHONO SHUU


DASHKA,TOROO,BYAMBA NUHDUUDED
DAVHAR MENDIIG YLAMJILNA YY!

Anonymous said...

zaluusaa! lag ba shuu! amjilt10000000000

. said...

zunduu ineelee